بریتانیا: ناکرێت تیرۆرکردنه‌کان و کرده‌کانی رفاندن له‌عێراق به‌رده‌وام بێت

حكومه‌تی بریتانیا ئه‌مرۆ چوارشه‌ممه‌ جه‌ختی كردۆته‌وه‌ كه‌ ناكرێت تیرۆركردنه‌كان و كرده‌كانی رفاندن له‌عێراق به‌رده‌وام بێت.

له‌مباره‌یه‌وه‌ ستیڤن هایكی، باڵیۆزی بریتانیا له‌به‌غدا له‌تویتێكدا ده‌ڵێت: تووشی شۆك بووم به‌ تیرۆركردنی نزار زه‌نون، سه‌رپه‌رشتیاری گشتی كه‌ناڵی ئه‌لره‌شید له‌سه‌ر ده‌ستی هێرشه‌به‌رانی نه‌ناسراو.

هه‌روه‌ها ده‌شڵێت:ناكرێت ئه‌م تیرۆركردنانه‌و كاری رفاندن و تۆقاندن به‌رده‌وام بێت و پێویسته‌ سزای بكه‌رانی بدرێت.

شایانی باسه‌ دوێنێ نزاز زه‌نون له‌لایه‌ن چه‌ند چه‌كدارێكی نه‌ناسراو له‌ناوچه‌ی حه‌ی جامیعه‌ له‌ رۆژئاوای به‌غدا كوژرا.

وه‌رگێڕان و داڕشتنه‌وه‌ی / رزگار