كرمانج عزەت، قایمقامی سۆران لە راگەیەندراوێكدا ھاووڵاتیانی ناوچەكەی ئاگادار دهكاتهوه كه رێگاکانی نێوان ھەولێر - سۆران، سۆران - حاجی ئۆمەران، سیدەکان و مێرگەسۆر و خەلیفان - رانیە، بەھۆی بارینی بەفرێکی زۆر گیراون، بۆیە تکایە ھاتووچۆ رابگرن لەو شوێنانە تا تیمەکانی ئێمە فریای خاوێن کردنەوە بکەون.
قایمقامی سۆران راشیدهگهێنێت ، داوا لە بەڵێندەر و کۆمپانیاکانی کەرتی تایبەت دەکەین، ھاوکاری تیمەکانی شارەوانی و ئاوەدانکردنەوە بکەن، بە شۆفەڵ و گرێدەر، تا بتوانین دەروەستی ئەو تەوژمە بەردەوامەی بەفر بکەوین.
كرمانج عزەت دهشڵێت ، لەبەر بارینی بەفرێکی زۆر لەناو شار و دەڤەرەکە، بڕیاماندا بۆ قوتابخانەکان بکەین بە پشوو، واتا ھەموو قوتابخانەکان پشوو دەیانگرێتەوە. بۆ فەرمانگەکانی کە رێگایان سەختە لەناو شار و دەرەوەی شار، لە نەگەیشتنی فەرمانبەران بۆ شوێنی کار غیاب نادرێن.
کۆمێنت (0)
تا ئێستا هیچ کۆمێنتێک نەکراوە.