فەرمانگەی كاروباری پارێزگاری گۆڕە بەكۆمەڵەكانی سەر بە دەزگای شەهیدانی عێراق، دۆزینەوەی گۆڕێكی بەكۆمەڵی دەستی چەكدارانی ڕێكخراوی داعشی لە پارێزگای سەڵاحەدین ڕاگەیاند.
فەرمانگەی كاروباری پارێزگاری گۆڕە بەكۆمەڵەكانی سەر بە دەزگای شەهیدانی عێراق، لە ڕاگەیەندراوێكدا، ئاشكراى كردووه " تیمی هونەریی تایبەت بەگەڕان و پشكنین بەدوای گۆڕە بەكۆمەڵەكانی سەر بە فەرمانگەی كاروباری پارێزگاری لە گۆڕە بەكۆمەڵەكانی دەزگای شەهیدان، گۆڕێكی بەكۆمەڵی نوێی لە سنووری پارێزگای سەڵاحەدین دۆزیوەتەوە".
بەپێی ڕاگەیەندراوەكە" ڕووفاتەكانی ناو گۆڕەكە هی قوربانیانی دەستی چەكدارانی داعشن و مێژووەكەی بۆ ساڵی 2015 دەگەڕێتەوە و لەنێو بیرێكدایە كە قوڵییەكەی 20 مەتر دەبێت".
لە ڕاگەیەندراوەكەدا ئاماژە بەوەش دراوە "تیمی تایبەتی گۆڕە بەكۆمەڵەكان بەهاوكاری كارمەندانی پزیشكە دادوەری ڕووفاتەكانیان دەرهێناوەتەوە بەمەبەستی ئەنجامدانی پشكنین بۆیان و دۆزینەوەی ناسنامەیان و ڕادەستكردنیان بەكەسووكاریان بۆئەوەی بنێژرێن".
کۆمێنت (0)
تا ئێستا هیچ کۆمێنتێک نەکراوە.