شه‌وی رابردوو له‌هێرشێكدا له‌لایه‌ن گرووپێكی چه‌كداری له ناوچه‌ی چكیكۆری سنووری له‌گه‌ڵ پاكستان له هه‌رێمی سیستان بلوجستان له باشووری رۆژهه‌ڵاتی ئێران، دوو سه‌ربازی سنوور كوژران.
له‌مباره‌یه‌وه پۆلیسی ئێران گوتی: له‌كاتی توندكردنی رێوشوێنه‌كانی سنوور،كۆمه‌ڵه چه‌كدارێك له‌ناوچه سنوورییه‌كان نزیك بوونه‌ته‌وه‌و پاسه‌وانی سنوور ته‌قه‌یان لێكردوون و پاشه‌كشه‌یان پێكراوه.
دوای رووداوه‌كه‌ش، قاسم ره‌زایی، فه‌رمانده‌ی پاسه‌وانی سنوور ناوچه‌كه‌ی به‌سه‌ركردۆته‌وه.
شایانی باسه رێكخراوی عه‌دل كه ئێران به رێكخراوێكی تیرۆریستی ناویان ده‌بات، ناوه ناوه هێرشی چه‌كداری له‌سنووری رۆژهه‌ڵاتی ئێران ئه‌نجامده‌ده‌ن.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.