دوای ئەوەی کە 97 کەسی دیکە بەهۆی ڤایرۆسەکەوە لەو وڵاتە گیانیان لەدەستدا، ژمارەی ئەو کەسانەی کە بەهۆی ڤایرۆسی کۆرۆناوە لەسەرتاسەری چین گیانیان لەدەستداوە بۆ 2444 کەس بەرزبووەتەوە.
لیژنەی ته‌ندروستی حکوومەتی چین رایگه‌یاند: لەمیانی 24 کاتژمێری رابردوودا، 97 کەسی دیکە بەهۆی ڤایرۆسی کۆرۆناوە لە چین گیانیان لەدەستداوە، به‌مه‌ش ژمارەی ئەو کەسانەی کە بەهۆی ڤایرۆسی کۆرۆناوە لەسەرتاسەری چین گیانیان لەدەستداوە بەرزبووەتەوە بۆ 2444 کەس.
لە راگەیەندراوەکەدا ئەوەش خراوەتەڕوو کە ژماره‌ی توشبووان به ڤایرۆسه‌كه بەرزبووەتەوە و گەیشتووەتە، 76 هەزار و 936 کەس.
له 12ی كانوونی یه‌كه‌می 2019 له شاری وهانی سه‌ربه ویلایه‌تی هوبای جۆرێكی نوێی ڤایرۆسی كۆرۆنا دۆزرایه‌وه و به‌خێرایی بۆ شاره‌كانی دیكه‌ی چین ته‌شه‌نه‌ی كرد، زۆربه‌ی وڵاتانیش هاووڵاتییەکانیان له چین گواسته‌وه و رێكخراوی ته‌ندروستی جیهانیش دۆخی له‌ناكاوی راگه‌یاند.
کۆمێنت (0)
تا ئێستا هیچ کۆمێنتێک نەکراوە.