رێكخراوی ته‌ندرووستی جیهانی نیگه‌رانی خۆی له بڵاوبوونه‌وه‌ی چاوه‌ڕوان نه‌كراوی ڤایرۆسی كۆرۆنا له هه‌ر سێ وڵاتانی ئێران، كۆریای باشوور و ئیتالیا ده‌ربڕی و هاوكات رایگه‌یاند، بۆ چاودێری و لێكه‌وته‌كانی ڤایرۆسه‌كه، تیمێكی پسپۆڕی پزیشكیی ره‌وانه‌ی ئێران ده‌كه‌ن.
له كۆنگره‌یه‌كی رۆژنامه‌وانیدا تیدرۆس ئادهانوم گبریسیوس، به‌ڕێوه‌به‌ری گشتی رێكخراوی ته‌ندرووستی جیهانی له ژنێڤ رایگه‌یاند: رێژه‌ی به‌رزبوونه‌وه‌ی له‌ناكاوی ڤایرۆسی كۆرۆنا له ئێران و ئیتالیا و كۆریای باشوور جێگه‌ی نیگه‌رانیمانه.
هاوكات رایگه‌یاند له سه‌ره‌تای مانگی شوباته‌وه ڤایرۆسی كۆرۆنا داكشانی به‌خۆیه‌وه بینینوه هه‌رچه‌نده جه‌ختی كرده‌وه كه نابێت ئه‌مه بكرێـته پێوه‌ر و ده‌بێت رێوشوێنی تایبه‌ت بۆ دووركه‌وتنه‌وه له تووشبووون به ڤایرۆسه‌كه بگردرێته‌به‌ر.
گوتیشی ئه‌مڕۆ سێشه‌ممه تیمێكی پسپۆڕی پزیشكییان بۆ چاودێری و لێكه‌وته‌كانی ڤایرۆسه‌كه ره‌وانه‌ی وڵاتی ئێران كردووه.
کۆمێنت (0)
تا ئێستا هیچ کۆمێنتێک نەکراوە.