ئهڤرۆ 27/2/2020 فهرهاد ئهمین ئهتروشى پارێزگهرێ دهوكێ ب ئامادهبونا رێڤهبهرێ دام و دهزگههێن میرى ل پارێزگهها دهۆكێ چهندین بریار پێرابوونێن نوو بۆ بهرههنگاربوونا ڤایرۆسێ كۆرونا هاتنه دهركرن.
فهرهاد ئهمین ئهتروشى د كۆنگرهیهكێ رۆژنامهڤانى دا گۆت: "جهێ خوشحالیێ یه چو حالهتێن كۆرۆنایێ ل سنورێ پارێزگهها دهوكێ نههاتینه توماركرن، ههروهسا ئاشكرا كر كو نارگیل ل كافێیان و جهێن دى هاتینه قهدهغهكرن و ههموو جهێن مهساجێ هاتینه گرتن و بههى بۆ ماوێ ههیڤهكێ هاتنه راگرتن و ماموستایێن ئاینى یێن ههموو ئۆلا پتر رۆلێ خوه د ڤى بیاڤى دا ببینن".
ئاشكرا ژى كر كو سهرهدان بۆ نهخوشخانا و نهخوشان بهێنه رێكخستن و كێمكرن و ئهو هاولاتیێن ژ وان وهلاتێن گومانلكرى ڤهدگهرنه ههرێمێ بۆ دهمێ 14روژا دێ ل جهێن باش و گونجاى هێنه دانان ههتا پاشه بهێنه پشكینیكرن و گهرهنتیكرن.
ههروهسا خهلكێ بیانى ل پارێزگههێ دڤێت پشكنینا بۆ خوه بكهت دا پشتراست بیت كو نهههلگرێ ڤایروسیه، ههروهسا دهزگههێن راگههاندنێ پتر رۆلێ خوه ببینن بۆ بهلافكرنا هشیاریا رهوشهنبیرى ل دور ڤایروسى و رێیێن خو پاراستنێ و ههر كهسهك یان لایهك پروپاكندا بهلاڤكهت دێ هێته سزادان، هۆلێن دهواتا و كومبونێن مهزن بهێنه كێمكرن، ل دووماهیێ پارێزگهرى خواست كو ههموو كهس و لایهن د هاریكاربن ههتا ژ ڤێ قوناغێ دهربازدبن.
فههیم عهبدوللا سهرۆكێ جڤاتا پارێزگههێ گۆت: "ئهڤ پێرابوونێن كومبونا ئهڤرۆ ههموو ژ بۆ بهرژهوهندیا خهلكێ پارێزگههێ و سلامهتیا وان هاتینه دهركرن و جهێ خوشحالیێ یه چ حالهتێن كۆرۆنایێ ل سنورێ پارێزگهها دهوكێ نههاتینه توماركرن و بلا چ دوو دلى بۆ خهلكێ مه چێنهبن".
کۆمێنت (0)
تا ئێستا هیچ کۆمێنتێک نەکراوە.