بەرەبەیانی ئەمڕۆ یەكەم حاڵەتی گیان لەدەستدان بەھۆی كۆرۆناوه لە ئوستراڵیا تۆماركرا كە پیاوێكی تەمەن 78 ساڵان بوو، كە یەكێك بوو لەو كەسانەی لەگەڵ 150 ھاووڵاتی دیكەی ئوستراڵی لەنێو كەشتی گەشتیاری دایمۆند برنسیسی ژاپۆنیدا بوو.
ھەروەھا دەسەڵاتدارانی ویلایەتی كالیفۆرنیای ئەمەریكاش ئاشكرایان كرد، كه چوار حاڵەتی دیكەی كۆرۆنا لەو ویلایەتە تۆماركراون.
له لایه‌كى تره‌وه دۆنالد تره‌مپ سه‌رۆكى ئه‌مه‌ریكا رایگه‌یاند" 22 كه‌س له ئه‌مه‌ریكا تووشی كۆرۆنا بوون، كه یه‌كێكیان گیانی له‌ده‌ستداوه‌و چواریان باری ته‌ندرووستیان مه‌ترسیداره، كه پێشبینی ده‌كرێت له داهاتوودا تووشبووی دیكه‌ش تۆمار بكرێن.
تره‌مپ داوای له ئه‌مه‌ریكییه‌كان كرد، خشته‌ی كاره رۆتینییه‌كانیان بگۆڕن و هیچ پێویست ناكات نیگه‌ران بن، چونكه ده‌وڵه‌ت له ئه‌وپه‌ڕی ئاماده‌باشی دایه.
کۆمێنت (0)
تا ئێستا هیچ کۆمێنتێک نەکراوە.