مەسعود محمد كاڕەش، بەڕێوەبەری گشتیی ئاو و ئاوەڕۆ لە وەزارەتی شارەوانی و گەشتوگوار سەبارەت بە بەستنی پێوەری ئاو، ڕایگەیاند: تا ئێستاش نزیکەی ٧٠% ی ھاووڵاتییان پێوەرەکەیان بەستووە و ھیچ بڕیارێکیش بۆ درێژکردنەوەی ماوەی بەستنی پێوەری ئاو نییە.
سەبارەت بە كۆتایی وادەی دیاریكراو بۆ بەستنی پێوەری ئاو، بەڕێوەبەری گشتیی ئاو و ئاوەڕۆ راشیگەیاند: وادەی دیاریكراو بۆ بەستنی پێوەری ئاو کۆتایی ھاتووە و تا ئێستاش ھیچ بڕیارێک نییە بۆ درێژبکردنەوەی وادەكە و پێویستە ئەو ھاووڵاتییانەی تا ئێستا ئەو پێوەرەیان نەبەستووە، پێوەرەکە ببەستن، بەپێچەوانەوە مانگانە سزای دارایی دەدرێن.
بەڕێوەبەری گشتیی ئاو و ئاوەڕۆ، مەسعود کاڕەش روونكردنەوە لەبارەی نرخی ئاو دەدات و دەڵێت: نرخی بەکارھێنانی ئاو بە مەتر سێجایە و بۆ ماڵان نرخێکی ھەرزان و گونجاویش دیاریکراوە، ئەگەر ھاووڵاتی بەشێوەیەکی گونجاو و بێ زیادەڕۆیی ئاو بەکاری بھێنێت، زۆرەکەی مانگانە دەگاتە ٢٠ ھەزار دینار، بەڵام بۆ شوێنە بازرگانی و حکوومییەکان نرخەکەی لە ھی ماڵان زیاترە.
کۆمێنت (0)
تا ئێستا هیچ کۆمێنتێک نەکراوە.