رێژەی چاکبوونەوە لەکۆرۆنا زیاتر لەنیوەی تووشبووانی تێپەڕاند

بەپێی ئامارە ڕەسمیەكان رێژەی چاكبوونەوە لەڤایرۆسی كۆرۆنا لەسەرتاسەری جیهان زیاتر لەنیوەی تووشبووەكانی تێپەڕاندووە.

لەكۆی ئەو 90 هەزار 967 كەسەی تووشی كۆرۆنا بوون تائێستا 48 هەزار و 155 كەس لەدوای تووشبوونیان چاكبوونەتەوە. 

لەوڵاتی چین 47 هەزار و 231 كەس لەدوای تووشبوونیان بەڤایرۆسی كۆرۆنا چاكبوونەتەوە و لەئێران 291 كەس و لەئیتاڵیا 149 كەس و لەسەنگاپورە 78 كەس بەهەمان شێوە چاكبوونەتەوە.

هاوكات لەژاپۆن 43 كەس و لەكۆریای باشوور 37 كەس و لەهۆنگ كۆنگ 36 كەس و لەفەرەنسا 12 كەس و لەئەمریكا 9 كەس دوای تووشبوونیان بەكۆرۆنا چاكبوونەتەوە.

 تەندروستی سلێمانی