ڕێز له‌ نووسه‌ر و ڕۆژنامه‌ڤان (فرات جه‌وه‌ری) نرا

به‌ڕێوه‌به‌رایه‌تیی چالاكی وێژه‌یی سه‌ر به‌ وه‌زاره‌تی ڕۆشنبیریی حكوومه‌تی هه‌رێمی كوردستان ، له‌ ڕێوڕه‌سمێكی شایسته‌دا ڕێزی له‌ نووسه‌ر و ڕۆژنامه‌ڤان فرات جه‌وه‌ری نا و قه‌ڵه‌می زێڕینی پێ به‌خشی .

شایانی باسه‌ فرات جه‌وه‌ری ماوه‌ی چل ساڵه‌ ده‌نووسێ ، له‌و ماوه‌یه‌دا (٤٠) كتێب و (٤٠) ژماره‌ی له‌ گۆڤاری نووده‌م ده‌ركردووه‌ ، به‌هره‌ و توانایی و كتێب و نووسینه‌كانی به‌سه‌ر شیعر ، چیڕۆك ، ڕۆمان ، وتار ، لێكۆڵینه‌وه‌ و كاری ڕۆژنامه‌وانی دابه‌ش بوون .

(فرات جه‌وه‌ری) پێش ئه‌وه‌ی له‌ وڵاتی سوێد بگیرسێته‌وه‌ ، له‌ باكووری كوردستان كاری زۆری كردووه‌ ، زۆر كوردانه‌ قۆڵی خۆی لێ هه‌ڵماڵیوه‌ و هێمنانه‌ ئیشی كردووه‌ ، وه‌ك هه‌موو لایه‌كیش ده‌زانین زه‌مینه‌ی كاركردن له‌باكوور ئه‌وه‌نده‌ ئاسان نییه‌ ، به‌رهه‌مهێنانی ئه‌و هه‌موو كارانه‌ ، گیانفیدایی ده‌وێ كه‌ هیچی له‌ پێشمه‌رگایه‌تی كه‌متر نییه‌.

گرنگترین به‌رهه‌مه‌كانی بریتین له‌:

- هێرش ده‌كه‌ن 1980.

- گه‌وره‌ ده‌بن 1981.

- مانگ خۆشه‌ویسته‌ 1983.

- دیل 1986.

- كۆتری سپی 1992.

فه‌رهه‌نگ، هونه‌ر و ئه‌ده‌بیات 1996.

- گوته‌ی زانایان1995.

- چیرۆكی بنه‌ماڵه‌ی عه‌بدۆ 1999.

- له‌ ماڵی میرجه‌لاده‌ت عالی به‌درخان 1998.

- شه‌پۆله‌كانی ده‌ریای ره‌ش 1997.

- ئه‌وینی ژاكاو 2003.

- ئینسكلۆپیدیای چیرۆكی كوردی 2003.

- پاییزی دره‌نگ وه‌خت 2005.