له ویلایه‌تی كالیفۆرنیای ئه‌مه‌ریكا به‌هۆی بڵاوبوونه‌وه‌ی ڤایرۆسی كۆرۆنا باری له‌ناكاو ڕاگه‌یه‌ندرا.
گافن نیوسوم فه‌رمانڕه‌وای ویلایه‌تی كالیفۆرنیای ئه‌مه‌ریكا باری له‌ناكاوی له سه‌رتاسه‌رى ویلایه‌ته‌كه‌ی ڕاگه‌یاند و پشتڕاستیشی كرده‌وه كه 53 حاڵه‌تی توشبوون به ڤایرۆسی كۆرۆنا له ناوچه جیاجیاكانی كالیفۆرنیا تۆمار كراون.
هاوكات له‌گه‌ڵ بڵاوبوونه‌وه‌ی ڤایرۆسی كۆرۆنا له ویلایه‌تی كالیفۆرنیای ئه‌مه‌ریكا، به‌رپرسێكی پزیشكی ئه‌و ویلایه‌ته گیانله‌ده‌ستدانی هاووڵاتییه‌كی به‌هۆی ڤایرۆسه‌كه‌وه ڕاگه‌یاندووه و ئاماژه‌ی بۆ ئه‌وه كردووه كه تیمێكی به‌رچاوی ته‌ندروستی بۆ ریگه‌گرتن له بڵاوبوونه‌وه‌ی زیاتری ڤایرۆسی كۆرۆنا خراونه‌ته ئاماده‌باشی.
هه‌ر له‌و باره‌یه‌وه فه‌رمانڕه‌وای ویلایه‌تی كالیفۆرنیا ئاماژه‌ی بۆ ئه‌وه‌ش كردووه كه سه‌رجه‌م دامه‌زراوه حكومییه‌كان بۆ ریگه‌گرتن له بڵاوبوونه‌وه‌ی زیاتری ڤایرۆسی كۆرۆنا ده‌خرێنه خزمه‌تی هاووڵاتییان و باری له‌ناكاویش بۆ سه‌ركه‌وتنه به‌سه‌ر ڤایرۆسه‌كه‌دا.
کۆمێنت (0)
تا ئێستا هیچ کۆمێنتێک نەکراوە.