به‌پێی دوایین ئاماری لیژنه‌ی ته‌ندرووستی نیشتیمانی چین ژماره‌ی تووشبوون به ڤایرۆسی كۆرۆنا له‌سه‌ر ئاستی جیهان بۆ 95 هه‌زار و 425 كه‌س به‌رز بووه‌ته‌وه كه له‌و ژماره‌یه 80 هه‌زار و 410 كه‌سیان ته‌نها له وڵاتی چین تووشی ڤایرۆسه‌كه بوونه.
هه‌روه‌ها ژماره‌ی گیانله‌ده‌ستدان له‌سه‌ر ئاستی جیهان گه‌یشته 3 هه‌زار و 286 كه‌س كه له نێویاندا 3 هه‌زار و 13 كه‌س له چین گیانیان له‌ده‌ست داوه.
هاوكات ئه‌و كه‌سانه‌شی كه دوای كه‌ره‌نتین و چاودێری چڕی پزیشكی نه‌خۆشخانه‌كانیان به‌جێهێشتووه و ڤایرۆسه‌كه‌یان په‌ڕاندووه، له‌سه‌ر ئاستی جیهان بریتین له 53 هه‌زار و 302 كه‌س كه له‌و ژماره‌یه 52 هه‌زار و 80 كه‌سیان هاووڵاتی چینین.
کۆمێنت (0)
تا ئێستا هیچ کۆمێنتێک نەکراوە.