پێگەی رێكخراوی تەندروستی جیهانی لەمیانی وەڵامدانەوەی ئەو پرسیارانەی ئاراستەی كراوە لەبارەی كۆرۆنا ئاماژەی بەوەكردوە رێژەی لە 80% تووشبووانی كۆرۆنا چاك دەبنەوە بەبێ وەرگرتنی چارەسەری تایبەت، بەڵكو تەنیا پێویستیان بەوەگررتنی چاودێری تەندروستی گشتی هەیە هاوشێوەی ئەوەی دەدرێتە هەر تووشبوویەكی ڤایرۆسی دیكە.
بەپێی زانیارییەكانی رێكخراوی تەندروستی جیهانی لەهەر شەش كەس كە تووشی كۆرۆنا دەبن یەكێكیان نیشانەكانی نەخۆشیەكی بەقورسی تێیدا دەردەكەوێت و مەترسیەكان لای هەندێك زیاد دەكات وەك بەساڵاچووان و ئەو كەسانەی گرفتی تەندروستیان هەیە وەك بەرزە پەستانی خوێن و نەخۆشیەكانی دڵ و شەكرە.
لەدیارترین نیشانەكانی تووشبوون بەكۆرۆنا ناسراو بە COVID19 بریتیە لەتا و ماندویەتی و كۆكەی ووشك و هەروەها هەندێك لەتووشبووان بەدەست ئازار و گیرانی لووت و ئازاڕی قوڕگ و یاخوك سكچوون دەناڵێنن.
لەبارەی رێژەی گیان لەدەستدان بەهۆی كۆرۆنا، رێكخراوی تەندروستی جیهانی ئەوەی خستۆتەڕوو ڕێژەی گیان لەدەستدان بەهۆی ئەو ڤایرۆسەوە لە 2-5 % و نیشانەكانی لای زۆرینەی تووشبووانی كۆرۆنا سووك بووە ، لەكاتێكدا لە14% یان تووشی گرفتی تەندروستی مەترسیداربوون وەك هەوكردنی سییەكان و لە 5% یان باری تەندروستیان ناجێگربووە.
ئا: كارزان عەبدوڵا
تەندروستی سلێمانی
کۆمێنت (0)
تا ئێستا هیچ کۆمێنتێک نەکراوە.