له‌چین ژماره‌ی ئه‌وانه‌ی له‌په‌تاکه‌ چاکبوونه‌ته‌وه‌ بۆ 55 هه‌زار و 403 که‌س به‌رزبۆته‌وه‌

ژماره‌ی ئه‌وانه‌ی كه‌ له‌ چین به‌هۆی ڤایرۆسی كۆرۆنای نوێ (كۆڤید-١٩) گیانیان له‌ده‌ستداوه‌ گه‌یشته‌، سێ هه‌زار و 70 كه‌س.

ژماره‌ی ئه‌وانه‌یش كه‌ تووشی ئه‌و په‌تایه‌ بوون به‌رزبۆته‌وه‌ بۆ 80هه‌زار و 651 كه‌س كه‌ ره‌وشی ته‌ندروستی پێنج هه‌زار و 489 كه‌سیان خراپه‌.

لیژنه‌ی ته‌ندروستی نیشتمانی چین تیشكیشی خستووه‌ته‌ سه‌ر ئه‌وه‌ی كه‌ 502كه‌س گومان ده‌كرێت تووشی په‌تاكه‌ بووبن و ئه‌وانه‌یشی كه‌ خراونه‌ته‌ ژێر چاودێرییه‌وه‌ بۆ 22 هه‌زار و 177 كه‌س كه‌م بوونه‌ته‌وه‌، هه‌روه‌ها ژماره‌ی ئه‌وانه‌ی كه‌ چاكبوونه‌ته‌وه‌ و ره‌وانه‌ی ماڵه‌وه‌ كراونه‌ته‌وه‌ به‌رزبۆته‌وه‌ بۆ 55 هه‌زار و 403 كه‌س.

له‌لایه‌كی دیكه‌وه‌ 60 حاڵه‌ت له‌و كه‌سانه‌دا تۆمار كراون كه‌ له‌ وڵاتانی دیكه‌وه‌ چوونه‌ته‌ چین.