لە گوندێکی ناوچەی برادۆست، 300 پارچە مینى نەتەقاوەى سەردەمى ڕژێمى بەعس دۆزرانەوە.
له راگهیهندراوێكی بەڕێوەبەرایەتى دەزگاى گشتى کاروبارى مینى هەولێر، هاتووه، 300 پارچە مینى نەتەقاوەى سەردەمى ڕژێمى بەعس کۆکرانەوە و بڕیارە لەهەفتەى داهاتوو نزیکەى هەزار پارچە مین لەڕێگەى تەقینەوە لەناو ببرێن.
چالاکیەکانی دەزگای گشتی کاروبارى مینى هەولێر ڕاگەیاند: لەلایەن هاوڵاتیانى گووندى بەرچیخە لە سنوورى ناحیەى سیدەکانى دەڤەرى برادۆست ئاگادارکراونەتەوە بەبوونى تەقەمەنى لەنزیک گووندەکەیان.
له راگهیهندراوهكه هاتووه، تیمەکانى لەناوبردنى تەقەمەنى لە بەڕێوەبەرایەتى گشتى کاروبارى مین، بەدواداچو,نیان بۆ کرد و 300 پارچە چەک و تەقەمەنى نەتەقیوەیان دۆزیوەتەوە.
سنوری دەڤەری برادۆست نزیكەی 70 كیڵگەی مین بوونیان ھەیە بە ڕووبەری 2 ملیۆن مەتر چوارگۆشە، كە بە مین و تەقەمەنی داپۆشراوە، ساڵانەش بە دەیان ھاووڵاتی دەبنە قوربانی بەهۆی ڕووداوی مین و تەقەمەنیەوە.
کۆمێنت (0)
تا ئێستا هیچ کۆمێنتێک نەکراوە.