لەزاخۆ بەردی بناغەی دوو پرۆژەی بەرهەمهێنان و گواستنەوەی کارەبا دادەنرێت

بریاره‌ سبه‌ی زاخۆ بەردی بناغەی دوو پرۆژەی گرنگی بەرهەمهێنان و گواستنەوەی كارەبا  دادەنرێت.

سبەی رێكەوتی 13/3/2020 لە ساڵیادی راپەرینەكەی زاخۆدا لەژێر چاودێری رێزدار مەسرور بارزانی سەرۆكی حكومەتی هەرێمی كوردستان و بەئامادەبوونی ئەندازیار كەمال محمد ساڵح وەزیری كارەبا و فەرهاد ئەتروشی پارێزگاری دهۆك و قایمقامی زاخۆ بەردی بناغەی دوو پرۆژەی گرنگی بەرهەمهێنان و گواستنەوەی كارەبا  دادەنرێت.

لەو رێورەسمەدا سەرەتا كاتژمێر 11ی سەرلەبەیانی لە وێستگەی 132 كەی ڤی كاشێ بۆ وێستگەی زاخۆ 2 بەردی بناغەی پرۆژەی هێڵی 132 كەی ڤی لەنێوان هەردوو وێستگە دادەنرێت بەگوژمەی 9.620.000 دۆلار لەلایەن كۆمپانیای شاندزەوە لەماوەی 180 رۆژ جێبەجێ دەكرێت ، دواتر هەر لەهەمان رۆژ بەردی بناغە پرۆژەیەكی گرنگی وەبەرهێنان بۆ بەرهەمهێنانی 100 مێگاوات كارەبا لە ئاو ( HIDRO+) لەلایەن هەردوو كۆمپانیای ئاریان ئیندەستریت – ئوسترالی و Strong oil) بەگوژمەی 250 ملیۆن دۆلار لەماوەی 18 مانگ دادەنرێت.