قائیمقامی سلێمانی پهیامێكی بهپهلهی ئاراستهی خهڵكی سلێمانی كرد و تكای كرد هاووڵاتیان بچنهوه ماڵهكانیان و له ماڵهكانیان نهیهنه دهرهوه.
ئاوات محەمەد قائیمقامی سلێمانی پەیامێکی بەپەلە ئاراستەی ھاوڵاتیانی سلێمانی دەکات و داوایان لێدەکات لەبەر ھەستیاری دۆخەکە و مەترسی زیاتر بڵاوبوەنەوەی ڤایرۆسی کۆرۆنا لە ھەر شوێنێکن بگەڕێنەوە ماڵەکانتان و بەم ھەنگاوە خۆتان و خێزانەکانتان لە مەترسی کۆرۆنا بپارێزن، قائیمقامی سلێمانی دەشڵێت: ئەگەر خەڵک ھاوکاری دامەزراوەکانی حکومەت نەبێت رەنگە نەتوانرێت دۆخەکە کۆنتڕۆڵ بکرێت، لەبەر ئەوە داواتان لێ دەکەین پابەندی ئەو رێکار و بڕیارانەبن کە راگەیەندراوە و بەتەواوی سەلامەتی تەندروستیتان بپارێزن، تکاتان لێدەکەین لە ھەستیاری رەوشەکە تێبگەن ئەم ماوەیە ھەموو جموجوڵێک رابگرن لە ھەر شوێن و جێگەیەکن خۆتان بگەیەننەوە ماڵەکانتان و تا ئەتوانن لە ماڵەوە بمێننەوە.
ئاوات محەمەد قائیمقامی سلێمانی راشیدەگەیەنێت: داواتان لێدەکەین متمانەتان بە دامەزراوەکانی حکومەت ھەبێت دڵنیابن ھەرچی پێویستی بێت بۆ رێگریکردن لە بڵاوبوونەوەی ڤایرۆسەکە گیراوەتەبەر تەنیا پێویستیمان بە ھاوکاری ئێوەیە، تکایە پابەندی رێنماییە تەندروستتیەکان بن و دووبارەی دەکەینەوە لە ماڵەکانتان بمێننەوە.
راگەیاندنی قائیمقامیەتی سلێمانی
کۆمێنت (0)
تا ئێستا هیچ کۆمێنتێک نەکراوە.