له‌بریتانیا دوای ئه‌وه‌ی دایكێك تووشی ڤایرۆسی كۆرۆنا ده‌بێت، منداڵه‌كه‌شی كه‌تازه له‌دایك بووه، به هه‌ڵگری ڤایرۆسی كۆرۆنا تۆمار كرا.
رۆژنامه‌ی زه‌سه‌نی بریتانی بڵاویكردۆته‌وه كه دایكه‌كه به‌گومانی هه‌وكردنی قورگ ره‌وانه‌ی نه‌خۆشخانه كرابوو، به‌ڵام پشكنینه‌كانی دوای له‌دایك بوونی كورپه‌كه‌ی، ده‌ركه‌وتووه كه دایكه‌كه تووشی ڤایرۆسی كۆرۆنا بووه.
هه‌ر به‌گوێره‌ی رۆژنامه‌كه تا ئێستا دیار نییه كه ئایا منداڵه‌كه له‌نێو منداڵدانی دایكی تووشی ڤایرۆسه‌كه بووه، یان دوای له‌دایك بوونی.
شایانی باسه دایكه‌كه به مه‌به‌ستی چاره‌سه‌ركردن بۆ نه‌خۆشخانه‌یه‌كی دیكه گواستراوه‌ته‌وه و منداڵه‌كه‌ش هه‌ر له‌هه‌مان نه‌خۆشخانه ماوه‌ته‌وه كه تیایدا له‌دایك بووه .
وه‌رگێڕان و داڕشتنه‌وه‌ی / رزگار
ژێده‌ر / سكای نیوز
کۆمێنت (0)
تا ئێستا هیچ کۆمێنتێک نەکراوە.