یه‌كه‌م حاڵه‌تی تووشبوون به ڤایرۆسی كۆرۆنا له‌ناو سوپای ئه‌مریكا تۆماركرا.
ئه‌مڕۆ دووشه‌ممه سوپای ئه‌مریكا له به‌یاننامه‌یه‌كدا یه‌كه‌م حاڵه‌تی تووشبوون به ڤایرۆسی كۆرۆنای له‌ناو یه‌كێك له كه‌شتیه جه‌نگییه‌كانی وولاته‌كه‌ی راگه‌یاند.
له به‌یاننامه‌كه‌دا هاتووه دوای پشكنینی ئه‌م سه‌ربازه‌ی هێزی ده‌ریایی وه‌ڵامه‌كه‌ی به پۆزه‌تیڤ ده‌رچووه و له ئێستادا خراوه‌ته كه‌ره‌نتینه‌وه.
ئه‌مه‌ش له كاتێكدایه له ماوه‌ی رۆژی رابردوو له ئه‌مریكا 102 كه‌سی دیكه تووشی كۆرۆنا بوون كه‌سێكیش گیانی له‌ده‌ستداوه.
به‌مه‌ش كۆی تووشبوان به ڤایرۆسی كۆرۆنا له ئه‌مریكا گه‌یشتووه‌ته 3 هه‌زارو 782 حاڵةت و ژماره‌ی گیان له‌ده‌ستدانیش گه‌یشته 69 حاڵه‌ت، هاوكات تا ئێستا 73 كه‌س چاكبوونه‌ته‌وه ره‌وانه‌ی ماڵه‌كانیان كراون.
کۆمێنت (0)
تا ئێستا هیچ کۆمێنتێک نەکراوە.