بەڕێوبەرایەتی تەندروستیی سلێمانی ڕایگەیاند" ئەمڕۆ دووشەممە پێنج تووشبووی ڤایرۆسی کۆرۆنای نوێ دوای چارەسەری پزیشکی، بە تەواوی چاک بوونەوە و ڕەوانەی ماڵەوە کرانەوە.
بەڕێوبەرایەتیی تەندروستیی سلێمانی لە ڕاگەیاندراوێکدا، ڕایگەیاند "دوای ئەوەی پێنج تووشبووی ڤایرۆسی کۆرۆنای نوێ بۆ ماوەی چەند رۆژێک لە سلێمانی، لە سەنتەری کۆرۆنا چارەسەریان وەرگرت، بە تەواوی چاک بوونەوە، ئەمڕۆ گەڕانەوە ماڵەكانیان و ژیانی ئاسایی خۆیان دەست پێدەكەنەوە".
ئەمەش لە كاتێكدایە كە چەند مانگێكە ڤایرۆسی کۆرۆنا لە جیھاندا بڵاو بووەتەوە، لە ھەرێمی کوردستانیش ٣٤ تووشبوو تۆمار کراون، تا ئێستا نۆ تووشبوو بە ڤایرۆسەکە چاک بوونەتەوە و یەك ھاووڵاتییش گیانی لەدەست داوە.
کۆمێنت (0)
تا ئێستا هیچ کۆمێنتێک نەکراوە.