د.تیدروس ئادهانوم بەڕێوبەری ڕێكخراوی تەندروستی جیهانی لە كۆنفرانسێكی رۆژنامەوانیدا هۆشداریدا لەخێرایی بڵاوبوونەوەی ڤایرۆسی كۆرۆنا و تەئكیدی كردەوە لەپێویستی توندكردنەوەی رێوشوێنەكانی دابڕینی تەندروستی و چڕكردنەوەی رێوشوێنەكانی پشكنینی گومانلێكراوەكان.
روونیكردەوە: لەچەند هەفتەی رابردوودا تێبینی خێرایی بڵاوبوونەوەی كۆرۆنایان كردووە و حاڵەتی نوێی تووشبوون و گیان لەدەستدان لەدەرەوەی چین تۆماركرا و چەندین رێوشوێن گیراوەتەبەر وەك داخستنی خوێندنگا و وەستاندنی چالاكیە وەرزشیەكان، بەڵام هەوڵی پێوستیان نەبینی بۆ كەمكردنەوەی ژمارەی تووشبوون.
وتی: نابێت سەرنج بخرێتە سەر تەنیا یەك لایەن و پێویستە پشت ببەسترێت بە كۆمەلێك رێكار بۆ گۆڕانكاریی لەئاراستەی بڵاوبوونەوەی ئەو ڤایرۆسە و باشترین رێگا بۆ دووركەوتنەوە لەتووشبونی كەسانی زیاتر بریتیە لە دابڕینی ئەو كەسانەی گومانیان لێدەكرێت.
بەرێوبەری رێكخراوی تەندروستی جیهانی ئاماژەی بەوەكرد پەیامیان بۆ سەرجەم وڵاتان ئەوەیە پێویستە پلان دابنرێت بۆ ئەنجامدانی پشكنینەكان و لەكاتی بوونی حاڵەتی پۆزەتیڤ ئەوا پێویستە ئەو كەسە داببرێت و پێویستە بزانرێت لەگەڵ كێ لەپەیوەندیدا بووە دوو رۆژ پێش سەرهەڵدانی نیشانەكانی.
ئا: كارزان عەبدوڵا
تەندروستی سلێمانی
کۆمێنت (0)
تا ئێستا هیچ کۆمێنتێک نەکراوە.