لە بەردەوامی هەوڵەکان بۆ پاراستنی سنوورەکان و ڕێگری لە بڵاوبوونەوەی ڤایرۆسی کۆڕۆنا و دەست بەسەرکردنی سەرپێچیکاران، شەوی ڕابردوو ئاسایشی سیدەکان سێ هاووڵاتی دیکەیان دەست بەسەرکرد و بۆ پشکنین و كەرەنتینەکردنیش ڕەوانەی هەولێر کران.
چەتۆ عبدوڵڵا بەڕێوەبەری ئاسایشی سیدەکان بە کوردستان تیڤی ڕاگەیاند کە ئەو سێ هاووڵاتیە سەرپێچیان لە ڕێنماییەکانی دوورکەوتنەوە لە سنوورەکان کردووە و چووبوونە نزیک سنووری ئێران و گومان دەکرێت تێکەڵ بە شوان جەلەبەکانی ئێرانی لەسەر سنوورەکان بووبن.
بەڕێوەبەری ئاسایشی سیدەکان گوتیشی ئەو هاووڵاتیانە خەڵکی سنووری دەشتی هێرتی دەڤەری سیدەکانن و بۆ دڵنیابوون لە تەندروستیان ڕەوانەی هەولێر کران.
ئاماژەی بەوەشکرد کە تا ئێستا 12 هاووڵاتی لە نزیک سنوورەکانی ئێران دەست بەسەر کراون و ڕەوانەی پشکنین و لێژنەی تەندروستی کراون.
کۆمێنت (0)
تا ئێستا هیچ کۆمێنتێک نەکراوە.