گۆڤاری "نیوزویك"ی نێوده‌وڵه‌تی به هاوبه‌شی له‌گه‌ڵ دامه‌زراوه‌ی Statista بۆ توێژینه‌وه‌ی پزیشكی، ڕیزبه‌ندی باشترین 10 نه‌خۆشخانه‌ی جیهانی بڵاو كرده‌وه.
ئه‌و 10 نه‌خۆشخانه‌یه چواریان له ئه‌مریكان و یه‌كێكیان له ڕۆژهه‌ڵاتی ناوه‌ڕاسته. ئه‌مه‌ی خواره‌وه ڕیزبه‌ندیی نه‌خۆشخانه‌كانه:
یه‌كه‌م: نه‌خۆشخانه‌ی مایو كلینیكن له ساڵی 1889 له ویلایه‌تی مینیسوتای ئه‌مریكا دروست كراوه، 9 هه‌زار و 800 پزیشك و توێژه‌ر كاری تێدا ده‌كه‌ن.
دووه‌م: نه‌خۆشخانه‌ی كیفلاند كلینیك ده‌كه‌وێته ویلایه‌تی ئۆهایوی ئه‌مریكا و له ساڵی 2018دا نزیكه‌ی حه‌فت ملیۆن نه‌خۆش سه‌ردانیان كردووه.
سێیه‌م: نه‌خۆشخانه‌ی ماساشوسیتس كه سه‌ر به زانكۆی هارفاردی ئه‌مریكییه، ساڵانه 1.6 ملیۆن نه‌خۆش سه‌ردانی ده‌كه‌ن و ساڵانه‌ش نزیكه‌ی 850 ملیۆن دۆلار له توێژینه‌وه‌ی پزیشكی خه‌رج ده‌كات.
چواره‌م: نه‌خۆشخانه‌ی تورونتو له وڵاتی كه‌نه‌دا.
پێنجه‌م: نه‌خۆشخانه‌ی شاریتی له شاری به‌رلینی ئه‌ڵمانیا.
شه‌شه‌م: نه‌خۆشخانه‌ی جۆنز هوبكنز له ویلایه‌تی مریلاندی ئه‌مریكا.
حه‌فته‌م: نه‌خۆشخانه‌ی زیوریخ له وڵاتی سویسرا.
هه‌شته‌م: نه‌خۆشخانه‌ی سه‌نگافورا.
نۆیه‌م: نه‌خۆشخانه‌ی شیبا له وڵاتی ئیسرائیل.
ده‌یه‌م: نه‌خۆشخانه‌ی كارولینسكا له وڵاتی سوید.
کۆمێنت (0)
تا ئێستا هیچ کۆمێنتێک نەکراوە.