بارسه‌لۆنا خۆی له‌گریزمان ده‌رباز ده‌کات

راپۆرته‌ رۆژنامه‌وانیه‌كانی وڵاتی ئیسپانیا بڵاویانكرده‌وه‌ یانه‌ی بارسه‌لۆنا به‌دوای پلانێكه‌ بۆ ده‌ستبه‌رداربوون یاریزانی فه‌ره‌نسی ئه‌نتوان گریزمانی هێرشبه‌ری تیپه‌كه‌ی

 له‌مباه‌ریه‌وه‌ ڕۆژنامه‌ی سپۆرتی ئیسپانی بڵاویكردۆته‌وه‌ كارگێری یانه‌ی بارسه‌لۆنا به‌مه‌به‌ستی پته‌و‌كردنی ریزه‌كانی خۆی له‌وه‌رزی داهاتوو چاوی له‌هێنانی چه‌ند یاریزانێكه‌ بۆ ریزه‌كانی خۆی، به‌لام به‌هۆی ڤایرۆسی كۆرۆنا ئه‌م یانه‌یه‌ هاوشێوه‌ی زۆرێك له‌یانه‌كانی جیهان دووچاری زیان و كورت هێنان بۆته‌وه‌، به‌پێی زانیاریه‌كانی رۆژنامه‌ی ناوبراو یانه‌ی بارسه‌لۆنا بۆ پركردنه‌وه‌ی كورتهێنانی به‌هۆی زیانه‌كانی كۆرۆنا چاوی له‌وه‌یه‌ یانه‌ی بایره‌ن میونشن یاخود هه‌ریانه‌یه‌ك ئاره‌زاووی به‌ده‌ست هێنانی تواناكانی فلیپی كۆتینیۆیه‌ هه‌یه‌ پێی بفرۆشێت له‌گه‌ڵ فرۆشتنی گریزان له‌هاوینی داهاتوو

 لای خۆیه‌وه‌ ڕۆژنامه‌ی مۆندۆ دیپۆرتیڤۆ بڵاویكردۆته‌وه‌ تیپه‌ كه‌ته‌لۆنیه‌كه‌ ئاماده‌یه‌ له‌به‌رامبه‌ر بری سه‌د ملیۆن یۆرۆ ده‌ست به‌رداری گریزمان بێت، ئه‌وه‌ش له‌كاتێكدایه‌ یانه‌كانی وه‌ك مانچسته‌ر یونایتد و ئه‌رسنال و چێلسی و پاریس سان جێرمان ئاره‌زووی زۆریان هه‌یه‌ گریزمان ببنه ریزه‌كانی خۆیان.