سەرۆککۆماری ئێران رایگه‌یاند: نیوەی کارمەندانی حکوومەت لە ماڵەکانی خۆیان، به‌مه‌به‌ستی خۆپارێزی له ڤایرۆسی كۆرۆنا.
ئەمڕۆ سێشەممە 24-3-2020 تەلەڤزیۆنی فەرمیی ئێران لە زاری سەرۆککۆماری ئێران حەسەن ڕۆحانی، بڵاویكرده‌وه، نیوەی کارمەندانی حکوومەتی ئێران لە ماڵەکانی خۆیان، لە چوارچێوەی ڕێکارەکانی بەرگرتن و کۆنترۆڵکردنی بڵاوبوونەوەی ڤایرۆسی کۆرۆنا.
شایه‌نی باسه وەزارەتی تەندروستی ئێران، ئەمڕۆ سێشەممە رایگەیاند، لەماوەی 24 كاتژمێری رابردوو 122حاڵەتی گیانلەدەستدان بەهۆی ڤایرۆسی كۆرۆناو هەزارو 762حاڵەتی تووشبوون تۆماركراون.
ئه‌مه‌ش له كاتێكدایه دوای چین و ئیتاڵیا، ئێران یه‌كێكه له‌و وڵاتانه‌ی به سه‌ختی ڤایرۆسی كۆرۆنا تێدا بڵاوبۆته‌وه.
کۆمێنت (0)
تا ئێستا هیچ کۆمێنتێک نەکراوە.