وه‌زاره‌تی ته‌ندروستی توركیا له راگه‌یه‌ندراوێكدا رایگه‌یاند ئه‌و ده‌رمانانه‌ی له‌چینه‌وه به‌ده‌ستیان گه‌یشتووه كاریگه‌ری باشیان له‌سه‌ر ژماره‌یه‌ك توشبووی ڤایرۆسی كۆڕۆنا هه‌بووه و به‌هۆیه‌وه چه‌ندین توشبوو چاك بوونه‌ته‌وه.
فه‌خره‌ددین كۆجا وەزیری تەندروستی توركیا رایگه‌یاند: ئەو دەرمانانەی لە چینەوە بەدەستمان گەیشتوون، لەسەر 136 تووشبووی كۆرۆنامان تاقی كردوونه‌ته‌وە و جه‌ختیشی كرده‌وه كه ئەنجامەكان ئەرێنی بوون.
راشیگه‌یاند: ئه‌م توشبووانه به‌ر له‌پێدانی ئه‌م ده‌رمانه وه‌ك چاره‌سه‌ر، له‌ژێر چاودێری چڕدابوونه و له ئێستادا باری ته‌ندروستییان جێگیره و له چه‌ند رۆژی داهاتوو ژماره‌ی ئه‌و نه‌خۆشانه بڵاوده‌كه‌ینه‌وه كه به‌م دره‌مانه چاكبوونه‌ته‌وه.
تا ئێستا لە توركیا 2433 كەس تووشی ڤایرۆسی كۆرۆنا بوون و 59 كەسیش گیانیان له‌ده‌ستداوه، هه‌روه‌ها 26 كه‌سیش ڤایرۆسه‌كه‌یان په‌ڕاندووه و چاك بوونه‌ته‌وه.
کۆمێنت (0)
تا ئێستا هیچ کۆمێنتێک نەکراوە.