تەندروستی هەولێر: سێ تووشبوان بە ڤایرۆسی کۆڕۆنا بەتەواوی چاکبوونەوە

بەڕێوەبەرایەتی گشتی تەندروستی هەولێر رایگه‌یاند: سێ نەخۆشیتر لە تووشبوان بە ڤایرۆسی کۆڕۆنا دوای وەرگرتنی چارەسەری پزیشکی بەتەواوی چاکبوونەوە.

پێتان ڕادەگەیەنین کە ( 3 ) سێ نەخۆشیتر لە تووشبوان بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەوە و باری تەندروستیان تەواو جێگیر بۆتەوە، وە پشکنینی تایبەتی یەک لەدوای یەک بۆ ئەوان کراوە کە نێگەتیڤ بوو.

کۆی گشتی چابوەکان گەیشتە ( 10 ) دە نەخۆش.

سوپاسی پابەندبوونتان دەکەین بۆ ڕێنماییە خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.

زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.