پارێزگاری هەولێر داوایه‌ک ئاراسته‌ی بازگه‌کان ده‌کات

پارێزگاری هەولێر داوا لە بازگەكان دەكات رێگری لە هاتووچۆكردنی ئەو كەسانە نەكەن، كە لەئێستادا بۆ كاری پێویست لە دەرەوەن.

بەگوێرەی نوسراوێكی د. فرسەت سۆفی پارێزگاری هەولێر، كە ئەمڕۆ 4-4-2020 ئاراستەی بازگەو خاڵەكانی پشكنینی كردووە، هاتووه‌ ئەو كەسانەی دیاری كردووە كە رێگەی هاتووچۆكردنیان پێدراوە.

پارێزگاری هه‌ولێر سه‌رجه‌م خاڵه‌كانی پشكنین و بازگه‌كان ئاگادار ده‌كاته‌وه‌

هه‌موو بازگه‌ و خاڵه‌كانی پشكنینی ئاگادار ده‌كه‌ینه‌وه‌، رێگه‌ له‌م لایه‌نانه‌ی خواره‌وه‌ نه‌گرن:

1- كارمه‌ندانی بانكی حكومی و گه‌نجینه‌ بۆ دابه‌شكردنی مووچه‌.

2- فه‌رمانبه‌ران و مووچه‌خۆرانی وه‌زاره‌تی كاروباری كۆمه‌ڵایه‌تی، كه‌مئه‌ندامان و خاوه‌ن پێداویستیی تایبه‌ت.

3- وه‌زاره‌تی خوێندنی باڵا، كه‌ سبه‌ی 5/4/2020 مووچه‌ وه‌رده‌گرن، ئه‌وانه‌ی كه‌ ناسنامه‌ی خوێندنی باڵا، یان پشتگیرییان پێیه‌، رێگه‌یان پێ بدرێت.

4- تیمه‌كانی ته‌ندروستی، پزیشكان و ئه‌مبوڵانس "إسعاف".

5- تیمه‌كانی پۆلیس، ئاسایش، پۆلیسی هاتوچۆ، زێره‌ڤانی و هێزه‌كانی وه‌زاره‌تی ناوخۆ ئه‌وانه‌ی له‌ ئه‌ركدان.

6- تیمه‌كانی كاره‌با و چاكردنه‌وه‌ی تۆڕی كاره‌با.

7- تیمه‌كانی ئاو و ئاوی ئیفراز و چاكردنه‌وه‌ی تۆڕی ئاو.

8- تیمه‌كانی شاره‌وانی و لابردنی زبڵ و خاشاك.

9- ئه‌و ئۆتۆمبیلانه‌ی خواردن بۆ كه‌ره‌نتین ده‌به‌ن.

10- تیمه‌كانی راگه‌یاندن، ئه‌وانه‌ی پشتگیری ده‌زگاكانی خۆیان پێیه‌.

11- تیمه‌كانی پارێزگا و قایمقامیه‌تی ناوه‌ندی، كه‌ رێگه‌پێدانیان هه‌یه‌.

نووسینگه‌ی پارێزگاری هه‌ولێر

4/4/2020