قایمقامیەتی قەزای ناوەندیی هەولێر بڵاویکردووەتەوە، لە چەند گەڕەکێکی ناوشاری هەولێردا 40 شوێنی جیای وەک نۆرینگەی پزیشکی و سەمونخانە و مۆبایل فرۆش و مارکێت و رێستورانت و کافتریا و شوێنی فرۆشتنی نێرگەلە و دوکانی غازفرۆشتن و پەنچەرچی و ڕۆنگۆر و مریشک فرۆش و دوکانی کارەبایی و جلوبەرگی منداڵانیان داخستووە.
روونیشیکردووەتەوە، "ھۆکاری داخستنی ئەم شوێنانەش بۆئەوە دەگەڕێتەوە، پێچەوانەی رێنماییەکانی ژووری ئۆپەراسیۆنی بەرەنگاربوونەوەی ڤایرۆسی کۆرۆنا لەپارێزگای ھەولێر بوون".
دەشڵێت، "ئاگاداری سەرجەم کاسبکاران دەکەینەوە پابەندی بڕیار و ڕێنماییەکان بن بە پێچەوانەوە ڕێکاری یاسایی بەرامبەریان دەگیرێتە بەر".
ئەوەش لە کاتێکدایە، بەپێی ئامارەکانی وەزارەتی تەندروستی هەرێم، تائێستا 330 کەس تووشی کۆرۆنا بوون و چوار هەڵگری ڤایرۆسەکەش گیانیان لەدەستداوە، هەروەها 167 تووشبووی کۆرۆنا چاکبوونەتەوە.
کۆمێنت (0)
تا ئێستا هیچ کۆمێنتێک نەکراوە.