دهۆک ب رێورەسمەکی دێ سەرکەفتنێ راگەهینیت

بەڕێوەبەرایەتی رۆشنبیری دهۆك دەستی بە ئامادەكارییەكانی كرد بۆ ئەنجامدانی ئاهەنگی سەركەوتن بەسەر پەتای ڤایرۆسی كۆرۆنادا، كە بڕیارە رۆژی چوارشەممە بەڕێوەبچێت.

پێشنیازێن رێڤەبەرییا گشتی یا رۆشنبیری و هونەری یا پارێزگەها دهۆکێ بۆ ئەنجامدانا رێورەسمەکێ تایبەت بۆ سەرکەفتنا ب سەر کۆرۆنایێ دا(قوناغا ئێکێ ژ پاقژبوونا دهۆکێ ژ کۆرۆنایێ).

دەمێ ئانجامدانێ، رۆژا چارشەمبی 22/4 کو هەڤدەمە دگەل سالرۆژا رۆژنامەگەریا کوردی، دەم :10:00 شەڤ

• چەوانیا ب رێڤەبرنا مەراسیمان:
1- ڤەمراندنا کارەبا نیشتیمانی و یا موەلیدان بۆ دەما 5 خولەکان ل سەرانسەری پارێزگەها دهۆکێ

2- داخازکرن ژ خەلکی کۆ ل سەر بانێن خوە روناهییەکێ هلکەن وەکو شەمالک و خەتیر و لائیت یان هەر رۆناهییەکێ دا سەقایەکێ جوان بدەت

3- هەلکرنا ژمارەکا بالۆنان و بەردانا وان بەرەف ئەسمانی کو ئەڤ بالونا ب ژمارەکا دەستنیشناکری دێ هێنە بەلاڤکرن ل سەر تاخێن دهۆکێ

4- هەلدانا دەنگێن ناقوسا دێران و کبارێ ل مزگەفتان

5-  هەلکرنا ئاگری لسەرێ چیایێ زاوا و کێلیا شەدایێ ژلایێ وەرزشڤانا ڤە

6-  یاریێن ئاگری دێ هێنە هاڤێتن ل چیایێ زاوا.

7-  هەلکرنا خەتیرا ئاگری ل پارکا نەورۆز وەکو نیشانا سەرکەفتنێ یان ل خەتیرا پارکا پانۆراما ژلایێ ستافەکێ دەستنیشانکری بێ کو قەلەبالغ چێبیت.

8- بەرهەڤکرنا سترانەکا تایبەت ب سوپاسیکرنا کەسێن ماندی بووین د رووبرووبوونا ڤیرۆسا کۆرۆرنا. یێدا

9- ترومبێلێن هاتن و چوونێ و پۆلیسان وی دەمی ل ناڤ تاخێن دهۆکی بگەریێن و موزیکەکا دەربرینێ ژ دهۆکێ بکەت لسەر بلندگۆیێن ترۆمبێلا بدەنە کاری.

 10 - دورستکرنا چەندین فلیکسان کو ل سەنتەرێ دهۆکی بهێنە بەلاڤکرن و دەربرینێ ژ سوپاسیکرنا کەسێن ماندی بکەت

11- ب رێکا کورەک تیلیکوم وێ رۆژێ ب نامەکێ دێ داخاز ژ خەلکی هێتە کرن کو پشکدار بن و تێکست ژی دێ ئەڤە بیت (وەلاتییێ خوەشتڤی: ئەڤ شەڤە دەمژمێر 10 پشکداربە ب سوپاسیکرنا ‌هێزێن نافخوە و پێشمەرگە و ستافێ ساخلەمییێ ب هەلکرنا هەر جورە روناهیەکێ و دەست قوتانێ لسەر بانێن مالێن خوە).

12- سپۆت ڤیدیۆ دێ هێنە دروستکرن و بەلاڤکرن ل سۆوشیال میدیایێ ژ بۆ سوپاسیکرنا ‌هێزێن نافخوە و پێشمەرگە و ستافێ ساخلەمییێ.

13- ریکلام دێ هێتە دروستکرن ژبو پشکداریکرنا خەلکی.

14-  ئەڤ چەندە ب هەماهەنگی د گەل رێڤەبەرییا پۆلیسان و هاتنوچوونێ ب فرۆکان دێ هێتە وێنەکرن.