سه‌رۆک بارزانی هاتنه‌وه‌ی مانگی ره‌مه‌زانی پیرۆز له‌ موسڵمانانی کوردستان و جیهان پیرۆز ده‌کات

سه‌رۆك بارزانی بە بۆنەی هاتنه‌وه‌ی مانگی ره‌مه‌زان، له‌ په‌یامێكدا پیرۆزبایی له‌ موسڵمانانی كوردستان و جیهان ده‌كات. ئەمە دەقی په‌یامه‌كه‌یه‌:

بسم الله الرحمن الرحيم

(شهر رمضان الذي انزل فيه القرآن هدى للناس وبينات من الهدى و الفرقان)
- صدق الله العظيم-

به‌ بۆنه‌ی هاتنه‌وه‌ی مانگی ره‌مه‌زانی پیرۆزه‌وه‌، گه‌رمترین پیرۆزبایی له‌ سه‌رجه‌م موسڵمانانی جیهان به‌ گشتی و كوردستان و عێراق به‌ تایبه‌تی ده‌كه‌م.

هیوادارم هاتنه‌وه‌ی مانگی ڕەمەزان، ببێته‌ مایه‌ی خێر و خۆشی بۆ گه‌لی كوردستان و عێراق و هەموو مرۆڤایەتی و کۆتاییهاتنی نەخۆشی و ناخۆشییەکان و ئاساییبوونەوەی ژیان. هەروەها کۆتاییهاتنی تیرۆر و توندڕۆیی و بڵاوبوونەوەی ئاشتی و پێکەوەژیان و ئاسوودەیی بۆ هەموو مرۆڤایەتی.

مسعود بارزانی

٣٠ـی شەعبان ١٤٤١ـی کۆچی
٢٣ـی٤ـی٢٠٢٠