کۆی گشتیی تووشبووان به‌ کۆرۆنا له‌ جیهان دوو ملیۆن و 800 هه‌زاری تێپه‌ڕاند

كۆی گشتیی ژماره‌ی حاڵه‌ته‌كانی تووشبوون به‌ ڤایرۆسی كۆرۆنای نوێ (COVID-19) له‌ سه‌رانسه‌ری جیهاندا، دوو ملیۆن و 800 هه‌زاری تێپه‌ڕاند.

به‌پێی ئه‌و زانیارییانه‌ی بڵاوكراونه‌ته‌وه‌، كه‌ زانیاریی نوێكراوه‌ن له‌باره‌ی حاڵه‌ته‌ نوێیه‌كانی تووشبوون، چاكبوونه‌وه‌ و گیان له‌ده‌ستدان له‌ وڵاتانی جیهان، كۆی گشتیی ئه‌و كه‌سانه‌ی تووشی ڤایرۆسی كۆرۆنای نوێ (COVID-19) بوون له‌ جیهاندا، گه‌یشته‌ دوو ملیۆن و 832 هه‌زار و 441 كه‌س.

ژماره‌ی ئه‌و كه‌سانه‌شی گیانیان له‌ده‌ستداوه‌ گه‌یشتۆته‌ 197 هه‌زارو 342 كه‌س، ئه‌وانه‌شی تا ئێستا چاكبوونه‌ته‌وه‌ 807 هه‌زارو 37 كه‌سن.