لەئەمریکا زیاتر لە یەک ملیۆن که‌س تووشى کۆڕۆنا بوون

ولایەتە یەكگرتوەكانی ئەمریكا، زیاتر لە یەک ملیۆن توشبوی بەکۆڕۆنا تێپەڕاند.

بەگوێرەی ئەو ئامارانەی داتا سەنتەری جیهانی بڵاویكردونەتەوە، لە دوێنێوە تاكو ئەمڕۆ 13 هەزار و 672 كەس توشی پەتای كۆرۆنا بون بەوەش ژمارەی توشبوانی پەتاكە لە ئەمریكا گەیشتە یەك ملیۆن و 832 هەزار كەس.

بەپێی ئامارەكان، لەماوەی 24 كاتژمێری رابردودا لە ئەمریكا 873 توشبوی كۆرۆنا گیانیان لەدەستداوە، بەوەش كۆی مردوانی پەتاكە گەیشتوەتە 56 هەزار و 286 كەس.

لەئێستادا ژمارەی توشبوانی كۆرۆنا لەسەر ئاستی جیهان گەیشتوەتە سێ ملیۆن و 46 هەزار و 213 كەس، لەو ژمارەیەش 210 هەزار و 379 كەس گیانیان لەدەستداوە و 916 هەزار و 374 كەسیش چاكبونەتەوە.