قوباد تاڵەبانی جێگری سەرۆك وەزیرانی هەرێمی كوردستان، لەبەغدا، پێشوازی كرد لە ماپیۆ تولەر، باڵێوزی ئەمەریكا لە عێراق و هەردوولا لەبارەی پێكهێنانی حكومەتی نوێی بەغدا و كێشە هەڵپەسێردراوەكانی نێوان حكومەتی ناوەندی و هەرێم گفتوگۆیان كرد.
لەمیانەی سەردانەكەیدا بۆ شاری بەغدا، قوباد تاڵەبانی سەرۆكی شاندی هەرێمی كوردستان لەبارەگای حەوانەی خۆی، ئەمڕۆ 29/4، پێشوازی كرد لە ماپیۆ تولەر، باڵیۆزی ئەمەریكا لەعێراق و هەردوولا لەبارەی بەرەنگاربوونەوەی مەترسییەكانی ڤایرۆسی كۆرۆنا و كێشە هەڵپەسێردراوەكانی نێوان حكومەتی ناوەند و هەرێمی كوردستان و پێكهێنانی كابینەی نوێی حكومەتی عێراق گفتوگۆیان كرد.
لە كۆبوونەوەكەدا قوباد تاڵەبانی رونیكردەوە بەمەبەستی كۆتاییهێنان بە ناكۆكییەكانی نێوان هەردوو حكومەتی هەرێم و ناوەند سەردانی بەغدایان كردووە لەبەر رۆشنایی دەستوری هەمیشەیی عێراق و لێكگەیشتنەكانی پێشتری نێوان هەردوولا.
جێگری سەرۆك وەزیرانی هەرێم، لەبارەی پێكهێنانی كابینەی نوێی حكومەتی عێراقەوە بەسەرۆكایەتی مستەفا كازمی سەرۆك وەزیرانی راسپێردراو، رایگەیاند كورد نابێتە لەمپەر و رێگر لەبەردەم پێكهێنانی حكومەتی عێراق و بەپێچەوانەوە بەشێك دەبن لەچارەسەر لەپێناو بەرقەراربوونی سەقامگیریی و ئۆقرەیی و رەخسانی دەرفەت بۆ چارەسەركردنی كێشە كەڵەكەبووەكانی عێراق و باشتركردنی پەیوەندییەكانی هەردوولا.
لەكۆبوونەوەكەدا ئاوات شێخ جەناب، وەزیری دارایی و ئومێد سەباح سەرۆکی دیوانی ئەنجومەنی وەزیران ئامادە بوون.
لهسهر راسپاردهی مهسرور بارزانی سهرۆكی حكومهتى ههرێمی كوردستان بۆ گفتوگۆكردنی چهند پرسێكی پهیوهست به مووچه و بودجه و وزه، دوێنێ سێشهممه 28 ى 4 ى 2020 شاندێكی حكوومهتی ههرێمی كوردستان بهسهرۆكایهتى قوباد تالهبانى جێگری سهرۆكى حكومهت گهیشتنه بهغدا و بریاره لهگهڵ سهرۆك وهزیران و وهزیری نهوت و بهرپرسانی دیكهی عێراق باڵیۆزی وڵاتان و نێردە دیپلۆماتییەکان کۆببنهوه
شاندەکەی حكومهتى ههرێمی كوردستان لەگەڵ بەرپرسانی حکوومەتی عێراق چهند پرسێكی پهیوهست به مووچه و بودجه و وزه تاوتوێ دەکهن کە لە نێوان هەردوولا هاتوونەتە ئاراوە.
شوان عهزیز
کۆمێنت (0)
تا ئێستا هیچ کۆمێنتێک نەکراوە.