نیسك یه‌كێكه له‌به‌روبوومه پاقله‌مه‌نییه‌كان، به رێژه‌یه‌كی زۆر وه‌ك شۆربا به‌كار ده‌هێنرێت. خواردنی نیسك سوودی هه‌یه بۆ ریخۆڵه و به ئاسانی هه‌رس ده‌كرێ، به‌سه‌رچاوه‌یه‌كی ده‌وڵه‌مه‌ندی پرۆتین و ڤیتامینه‌كانی بی و سی هه‌ژمار ده‌كرێت، ئه‌مه سه‌رباری ئه‌وه‌ی كه نیسك رێژه‌یه‌كی به‌رچاو له پۆتاسیۆم، مینیزیۆم، ئه‌سیدی فۆلیك، ئاسن و سیلنیۆم له‌خۆ ده‌گرێت، هه‌ر بۆیه چه‌ندان سوودی گرنگی هه‌یه.
سووده‌كانی نیسك:
یه‌كه‌م: ده‌بێته هۆكاری به‌هێزكردنی كۆئه‌ندامی ده‌مار و مێشك چالاك ده‌كات.
دووه‌م: ده‌بێته هۆی پاراستنی مرۆڤ له تووشبوون به‌نه‌خۆشییه‌كانی شێرپه‌نجه.
سێیه‌م: چه‌وری زیاده له‌ناو گه‌ده‌دا هه‌ڵده‌مژێت.
چواره‌م: رێژه‌ی كلۆربوونی ددانه‌كان كه‌م ده‌كاته‌وه.
پێنجه‌م: رێژه‌ی كۆڵیستڕۆڵ كه‌م ده‌كاته‌وه.
شه‌شه‌م: رێگری ده‌كات له تووشبوون به كێشه‌كانی جه‌ڵته‌ی دڵ.
حه‌وته‌م: رێگری ده‌كات له نه‌خۆشیی ئێسك.
هه‌شته‌م: سیسته‌می به‌رگری له‌ش به‌هێز ده‌كات.
نۆیه‌م: ده‌بێته هۆی جێگیركردنی رێژه‌ی شه‌كر له خوێندا.
ده‌یه‌م: بۆ كه‌مخوێنی سوودبه‌خشه، رێژه‌یه‌كی به‌رچاو مادده‌ی ئاسنی تێدایه.
یازده‌یه‌م: یاریده‌ده‌ره بۆ ئه‌و كه‌سانه‌ی كه ده‌یانه‌وێت كێشیان دابه‌زێنن.
دوازده‌یه‌م: رێگری له كزبوونی چاو ده‌كات.
سیازده‌یه‌م: كۆڵۆن له گرژبوون ده‌پارێزێت.
چوارده‌یه‌م: پیری دوا ده‌خات.
به باوه‌ڕی پزیشكان، رۆژانه خواردنی ته‌نها 100 گرام نیسك، دوو ئه‌وه‌نده‌ی ڤیتامینه پێویسته‌كان له‌خۆ ده‌گرێت، كه مرۆڤ رۆژانه پێویستیه‌تی
ژێده‌ر :Kurdistan CT
کۆمێنت (0)
تا ئێستا هیچ کۆمێنتێک نەکراوە.