شاندی حکومەتی هەرێم بە سەرۆکایەتی قوباد تاڵەبانی جێگری سەرۆكی وەزیران لەگەڵ سەید عەممار حەكیم سەرۆكی رەوتی حیكمە كۆبوونەوە و هەردوولا جەختیان لە پەیوەندییە مێژوییەكانی كورد و شیعە و گەیشتن بە ڕێككەوتنی هاوبەشی نێوان ههرێم و بەغدا كردەوە.
سەرلە ئێوارەی ئەمرۆ 29 / 4 شاندی حکومەتی هەرێم بە سەرۆکایەتیی قوباد تاڵەبانی جێگری سەرۆك وەزیران، سەردانی سەید عەممار حەكیم، سەرۆكی رەوتی حیكمەیان كرد لەشاری بەغداو لەبارەی كۆمەڵێك پرسی هاوبەش گفتوگۆیان كرد .
هەردوولا خەباتی هاوبەشی پێكهاتەكانی كورد و شیعەیان بیرهێنایەوە دژ بەدیكتاتۆرییەت و لەپێناو بەدیهێنانی عێراقێكی فرەرەنگ و سەقامگیر، لای خۆشییەوە سەید عەممار پشتیوانیی خۆی دەربڕی بۆ چارەسەرکردنی کێشە هەڵپەسێردراوەکانی نێوان هەولێر و بەغدا.
قوباد تاڵەبانی ستایشی هەڵوێستی مێژووی بنەماڵەی حەكیم و تیڕوانینی رەوتی حیكمەی كرد بەرامبەر هەرێمی كوردستان و پرسەو سەرەخۆشی بەبۆنەی ساڵیادی كۆچی دوایی سەید عەبدولعەزیز حەكیمەوە پێشكەش كرد.
لە گفتوگۆكاندا هەردوولا هاوڕابوون لەسەر گرنگی ئاڵوگۆڕی پەیوەندی و زانیاری لەماوەی داهاتوودا لەپێناو گەیشتن بە چارەسەرکردنی سەرجەم كێشە هەڵپەسێردراوەكانی نێوان هەرێمی كوردستان و حكومەتی ناوەندی.
کۆمێنت (0)
تا ئێستا هیچ کۆمێنتێک نەکراوە.