وەزیری تەندروستی و ژینگەی حکومەتی عیراقی فیدراڵ هەوڵ و هەنگاوەکانی پارێزگاری هەولێر و هاوکارانی بۆ ڕووبەڕووبوونەوە و بەرگرتن لە بڵاوبوونەوەی ڤایرۆسی کۆڕۆنا بهرزدهنرخێنێت.
ئێوارەی ئەمڕۆ چوارشەممە 2020.4.29 سادق جەعفەر عەلاوی، وەزیری تەندروستی و ژینگەی حکومەتی عیراقی فیدراڵ، لە پەیوەندییەکی تەلەفۆنییدا لەگەڵ د.فرسەت سۆفی، پارێزگاری هەولێر، دەستخۆشی و پێزانینی حکومەتی عێراق و وەزارەتی تەندروستی عێراقی بە پارێزگاری هەولێر ڕاگەیاند و باسی لە جدییەتی و هەوڵ و هەنگاوەکانی پارێزگاری هەولێر و هاوکارانی لە ژووری ئۆپەراسیۆن پارێزگای هەولێر و بەڕێوەبەرایەتی گشتیی تەندروستی هەولێر کرد، کە چۆن بە وریایی و پەرۆشییەوە کاریان لەسەر دەرکردنی ڕێکار و رێنماییە پێویستەکان کردووە بۆ ڕووبەڕووبوونەوە و بەرگرتن لە بڵاوبوونەوەی ڤایرۆسی کۆڕۆنا لە سنوری پاڕێزگای هەولێر.
لە لایەن خۆیەوە د.فەرسەت سۆفی پارێزگاری هەولێر، سوپاسی وەزیری تەندروستی و ژینگەی حکومەتی عیراقی فیدڕاڵی کرد لە پاڵپشتی کردن و پێزانینی بەرامبەر بە ڕێکارەکانی ژووری ئۆپەراسیۆنی پارێزگای هەولێر بۆ بەرەنگاربوونەوەی ڤایرۆسی کۆرۆنا.
کۆمێنت (0)
تا ئێستا هیچ کۆمێنتێک نەکراوە.