بهڕێوهبهرایهتی پۆلیسی ڕاپهڕین له ڕاگهێندراوێكدا ڕایگهیاند: لە میانەی کارو چالاکیەکانی هێزەکانی پۆلیس بەمەبەستی پاراستنی سەر ماڵی هاوڵاتیان، وە بەتایبەت لە مانگی ڕەمەزانی پیرۆز و بەرزڕاگرتنی ئەو مانگە پیرۆزە و بۆ قەدەغەکردنی فرۆشتنی ماددە کحولیەکان، ئەمڕۆ لەلایەن هێزەکانمان لە بنکەی پۆلیسی ڕزگاری کەسێک دەستگیرکرا کە بە ئۆتۆمبیلەکەی ماددەی کحولی دەفرۆشت.
لە کاتێکدا کەسەکە لەسەر ڕێگای سەرەکی نێوان چوارقوڕنە - بۆسکێن لە نزیک گوندی بۆسکێن بە شێوەیەکی نهێنی هەستاوە بە فرۆشتنی چەند ماددەیەکی کحولی جۆراوجۆر. دوای دەستگیرکردنی کەسەکە دەستگیرا بەسەر ماددە کحولیەکان و ئۆتۆمبیلەکەی.
مەلەفی لێکۆڵینەوەی بۆ کرایەوە و بە بڕیاری دادوەر کەسەکە بەپێی مادەی 240 لە یاسای سزادانی عێراقی ڕاگیراوە و لێکۆڵینەوە لەگەڵی بەردەوامە.
بەڕێوەبەرایەتی پۆلیسی ڕاپەڕین
ڕاگەیاندن و پەیوەندیەکان
کۆمێنت (0)
تا ئێستا هیچ کۆمێنتێک نەکراوە.