زانایان حاڵەتێكی نائاسایی كوشندەیان دۆزیەوە كە پەیوەندی هەیە بەڤایرۆسی كۆرۆناوە و ئەوەش دەبێتە هۆی زیادبوونی حاڵەتی گیان لەدەستدانی تووشبووانی ئەو ڤایرۆسە.
بەپێی لێكۆڵینەوەیەكی نوێی زانایانی كۆلیژی شاهانە لەئیرلەندا (RCSI) دەركەوتووە ئەو تووشبووانەی كۆرۆنا كە بارودۆخی تەندروستیان ناجێگربووە تووشی حاڵەتێكی دەگمەن و ناسروشتی مەینی خوێن بوون كەئەوەش یارمەتیدەر بووە لەدروستبوونی جەڵتەی وورد لەسییەكان و زیادبوونی حاڵەتەكانی گیان لەدەستدان.
پرۆفیسۆر جەیمس ئۆدۆنیل راوێژكاری نەخۆشیەكانی خوێن رایگەیاند: ئەنجامی لێكۆڵینەوەكەیان ئەوەیە ڤایرۆسی كۆرۆنا پەیوەندی هەیە بەجۆرێكی دەگمەنی مەینی خوێن بەشێوەیەكی سەرەكی لەناو سییەكان و بێ گومان ئەوە دەبێتە هۆی زیادبوونی رێژەی گیان لەدەستدانی تووشبووانی كۆرۆنا.
ووتی: تووشبوون بەكۆرۆنا دەبێتە هۆی هەوكردن لەكیسە بچووكەكانی ناو سیەكان و بەسەدان جەڵتەی بچوك لەسییەكان دروست دەبێت و ئەوەش هۆكاری كەمبوونەوەی ئۆكسجین لەناو خوێن بەشێوەیەكی زۆر لای تووشوبوانی كۆرۆنا دەردەخات.
ئا: كارزان عەبدوڵا
سەرچاوە/ رووسیا الیوم
تەندروستی سلێمانی
کۆمێنت (0)
تا ئێستا هیچ کۆمێنتێک نەکراوە.