به‌ره‌به‌یانی ئه‌مڕۆ پێنج شه‌ممه له شه‌قامی سه‌ره‌كی دهۆك- زاخۆ و له نزیك كۆمه‌ڵگه‌ی موقبلێ ڕووداوێكی هاتووچۆ له نێوان سێ ئۆتۆمبیلی بارهه‌ڵگر ڕوویدا و به‌هۆیه‌وه هه‌رسێ ئۆتۆمبیله‌كه سوونان.
له باره‌ی ڕووداوه‌كه‌وه په‌یامنێر كوردستان تیڤى پێی ڕاگه‌یاندین: نزیكی كاتژمێر 1:25 خوله‌كی به‌ره به‌یانی ئه‌مڕۆ سێ ئۆتۆمبیلی بارهه‌ڵگر له ڕووداوێكی هاتووچۆدا سووتان و به‌و هۆیه‌شه‌وه زه‌ره‌ر و زانی ماددی گه‌وره‌ی لێكه‌وته‌وه.
ڕاشیگه‌یاند:دوا به‌دوای ڕووداوه‌كه بنكه‌كانی به‌رگری شاستانی ئاگركۆژێنه‌وه‌ی سیمێل و باتیلێ و ماڵتایێ گه‌یشتنه شوێنی ڕووداوه‌كه و كۆنتڕۆڵی ئاگره‌كه‌یان كرد و خۆشبه‌ختانه زیانه‌كان ته‌نیا ماددی بوون و زیانی گیانی به‌دوواوه نه‌بووه.
کۆمێنت (0)
تا ئێستا هیچ کۆمێنتێک نەکراوە.