داربه‌ڕوو به خۆڕسك له ناوچه شاخاویه‌كانی كوردستاندا هه‌یه و بۆ گه‌ڵێك چاره‌سه‌ری له كورده‌واریدا به‌كارهاتووه. جگه له لایه‌نه خۆراكیه‌كه‌ی له بواری ته‌ندروستی نوێشدا سووده‌كانی سه‌لمینراون و به زانست پشتڕاست كراونه‌ته‌وه.
جگه له به‌رهه‌مه‌كه‌ی له قه‌د و گه‌ڵاكانیشی بۆ مه‌به‌ستی چاره‌سه‌ری سروشتی سوودی لێوه‌رده‌گیرێت.
به گشتی به‌ڕوو ئه‌م سوودانه هه‌یه.
• كولسترۆڵی كه‌مه و مادده‌ی پۆتاسیۆمی تێدایه كه بۆ ئه‌و كه‌سانه‌ی گرفتی میزكردنیان هه‌یه به‌سووده.
• له‌به‌ر ئه‌وه‌ی ماده‌ی ڕیشاڵی زۆره بۆیه بۆ ئه‌و كه‌سانه‌ی كێشه‌ی زۆرخواردنیان هه‌یه به‌سووده و ئیشتیها كه‌م ده‌كاته‌وه.
• كۆمه‌ڵیك ڤیتامینی له گروپی B تێدایه كه بۆ چالاكی كۆئه‌ندامی ده‌مار به‌سووده.
• بۆ كه‌سانه‌ی كه تووشی سكچوون بوون به‌كاردێت.
• له‌به‌ر ئه‌وه‌ی بڕێكی زۆر نیشاسته‌ی تێدایه بۆ ئه‌و كه‌سانه‌ی كێشیان كه‌مه پێشنیار ده‌كریت چونكه یارمه‌تی زیادبوونی كێش ده‌دات.
• بۆ ئه‌و كه‌سانه‌ی تووشی گرژبوونی ماسولكه بوون خواردنی به‌ڕوو پێشنیار ده‌كرێت.
• بۆ ده‌ماره‌كان و سوڕی خوێن باشه و ڕیگری له تووشبوون به نه‌خۆشی ده‌والی ده‌كات.
• بۆ چاره‌سه‌ری نه‌خۆشی مایه‌سیریش سوودی لێوه‌رده‌گیرێت.
زیانه‌كانی زۆر به‌كارهێنانی به‌ڕوو:
• زۆرخواردنی به‌ڕوو له‌به‌ر ئه‌وه‌ی مادده‌ی "تانن"ی تێدایه وا ده‌كات كه ئاسن كه‌متر بگاته جه‌سته و كه‌واته بۆ ئه‌و كه‌سانه‌ی گرفتی كه‌می ئاسن و كه‌می خوێنیان هه‌یه پێشنیار ناكرێت.
• بۆ دایكانه‌ی كه منداڵی شیره‌خۆریان هه‌یه و خانمانانی دووگیان پێشنیار ناكرێت.
• هه‌ندێك گرفت بۆ گه‌ده دروست ده‌كات و ترشه‌ڵۆكی گه‌ده به‌ره‌و سه‌ره‌وه ده‌گه‌ڕێنێته‌وه.
سه‌رچاوه / رووه ك و چاره‌سه‌ر
کۆمێنت (0)
تا ئێستا هیچ کۆمێنتێک نەکراوە.