كاكەمین نەجاڕ، ئەندامی مەكتەبی سیاسیی پارتی دیموكراتی كوردستان رایگهیاند: كۆبوونەوەی ئەمڕۆی نێوان پارتی و یەكێتی لەسەر داواكاریی یەكێتی دواخراوە.
كاكەمین نەجاڕسهرۆكی ئەنجوومەنى سەرکردایەتى پارێزگاى هەولێر، پارتی دیموكراتی كوردستان گوتیشی: بە گشتی پەیوەندییەكانمان لەگەڵ یەكێتی باشن و كۆبوونەوەكەش هەر ئەنجام دەدرێت، بەڵام دیار نییە چ رۆژێك دەبێت.
كاكەمین نەجاڕ، ڕاگەیاندووه: بڕیار بوو ئەمڕۆ پارتی دیموكراتی كوردستان و یەكێتیی نیشتیمانیی كوردستان لەسەر كۆمەڵێك پرس كۆببنەوە، لەوانەش پەیوەندییەكانی نێوان پارتی و یهكێتی بابەتی لامەركەزیی ئیداری و پەیوەندییەكانی نێوان هەولێر و بەغدا و دۆخی ناوچەكە، بەڵام لەسەر داواكاریی یەكێتی، كۆبوونەوەكەی ئەمڕۆ دواخرا.
لەبارەی پەیوەندییەكانی نێوان هەردوولاشەوە، ئاماژەی بەوە دا: بە گشتی پەیوەندییەكان لە ئاستێكی باشدان و ڕای جیاوازیش هەیە، ئێمە پەیوەندییەكانمان باشە و پێكەوە لە حكوومەتین و پێكەوەش كار دەكەین، بۆیە ئاساییە ئەگەر ڕای جیاوازیش لەسەر زۆر پرس هەبێت.
ئەو ئەندامەی مەكتەبی سیاسیی پارتی دیموكراتی كوردستان راشیگهیاندووه: ئەو كێشانە، یان ئەو ڕا جیاوازانەی لە نێوان پارتی و یەكێتیدا هەن، قابیلی گفتوگۆ و چارەسەرن و هەردوولا بە دیالۆگ چارەیان دەكەین، لەگەڵ ئەوەشدا نین شتەكان گەورە بكرێن، چونكە دۆخی كوردستان و ناوچەكە، ئەوەمان لێ دەخوازێت.
کۆمێنت (0)
تا ئێستا هیچ کۆمێنتێک نەکراوە.