تۆمەتبارێک دەستگیرکرا کە چەند فەرمانێکی گرتنی هەبووە

له‌راگه‌یاندراوێكدا به‌رێوه‌به‌رایه‌تى پۆلیسى پارێزگای سلێمانى بڵاوی كرده‌وه‌ كه‌ مەفرەزەكانی بنكەی پۆلیسی سەرا تۆمەتبارێكیان دەستگیركرد كە لەچەند بنكەیەكی سەربەبەڕێوەبەرایەتی پۆلیسی پارێزگای سلێمانی فەرمانی دەستگیركردنی هەبووە .

پۆلیسی سلێمانى رایده‌گه‌ێنێت ، دوای كۆكردنەوەی زانیاری و دیاریكردنی شوێنی تۆمەتبار ، شەوی 10ی5ی 2020 كاتژمێر 7:30 خولەك مەفرەزەكانی بنكەی پۆلیسی سەرا تۆمەتبارێكیان دەستگیركرد كە لە چەند بنكەیەك فەرمانی دەستگیركردنی هەبووەو لەكاتی دەستگیركردنیشیدا ڕوبەڕوی هێزەكانی پۆلیس بوبۆوەو تەقەی كردبوو .

ئاماژه‌ به‌وه‌ش ده‌كات كه‌ تۆمەتبار (ه ، م ، ع ) لەدایكبووی 1992 ی دانیشتوی شاری سلێمانی ، كە لەچەند بنكەیەك داواكراوە و پێشتریش تەقەی لە مەفرەزەیەكی بنكەی پۆلیسی ئیبراهیم ئەحمەد كردبوو لەكاتی چونیان بۆ دەستگیركردنی ، بەبڕیاری بەڕێز دادوەر و بەپێی ماددەی (405- 31 ، 229 و 430 ) كە بریندار كردن و سەرانەوەرگرتن و هەرەشەكردنە لە هاوڵاتیان ڕاگیراوەو لێكۆڵینەوە لەگەڵیدا بەردەوامە .

دارشتنه‌وه‌ی هه‌واڵ - شوان عه‌زیز