وەزارەتی تەندروستی عیراق، 119 حاڵەتی توشبوونی نوێ بە ڤایرۆسی كۆرۆنا ڕاگه‌یاند و 3 حاڵەتی گیانلەدەستدانیش تۆماركراون .
وەزارەتی تەندروستیی و ژینگەی عێراق، ئەمڕۆ چوارشەممە، رایگەیاند : لە 24 كاتژمێری رابردوو 119 کەسی دیکە لە عێراق تووشی ڤایرۆسی کۆرۆنا بوون و تووشبووەکان.
بریتین لە 82 تووشبوو لە بەغدا، 32 لە بەسرە، 2 لە موسەننا، 2 لە نەینەوا و 1 تووشبوو لە دیالە.
بەپێی ئامارەكە، كۆی تووشبووانی كۆرۆنا لە سەرانسەری عێراقدا ژمارەیان گەیشتووەتە سێ هەزارو 32 حاڵەت، ژمارەی گیانلەدەستدانیش بۆ 115 حاڵەت بەرزبووەتەوەو لە بەرامبەردا هەزارو 966 كەس بەتەواوەتی چاكبوونەتەوەو رەوانەی ماڵەوە كراونەتەوە.
هەر لە بەیاننامەكەدا هاتووە 3 حاڵەتی گیانلەدەستدان تۆماركراوە و 63 حاڵەتی چاكبوونەوەش هەبووە .
کۆمێنت (0)
تا ئێستا هیچ کۆمێنتێک نەکراوە.