وەزارەتی تەندروستی حکوومەتی عێراق لە بەیاننامەیەکدا 67 حاڵەتی نوێی تووشبوون بە ڤایرۆسی کۆرۆنا راگەیاند.
وەزارەتی تەندروستی و ژینگەی عێراق ئامارێکی نوێی تووشبوون و مردن بەکۆرۆنای بڵاوکردەوە و تێیدا هاتووە، لەماوەی 24 کاتژمێری رابردوودا 67 حاڵەتی نوێی تووشبوون بەکۆرۆنا تۆمارکراوە و بەوەش کۆی تووشبووان بۆ 3260 حاڵەت بەرزبوەتەوە.
ژمارەیەی تۆماکراوەكان 25 حاڵەتیان لەگەڕەکی رەساف و 25 حاڵەتی دیکەش لەگەڕەکی کەرخی بەغدا تۆمارکراون، ئەوانی دیکەش، هەشت حاڵەت لەشارۆچکەی تەلەب و بەسرە یەک حاڵەت و میسان یەک حاڵەت و کەرکوک یەک حاڵەت و زیقار پینج و نەینەواش یەک حاڵەت تۆمارکراون.
هەروەها ئەوەش خراوەتە روو، کە لە کۆی گشتی تووشبووانی ئەم ڤایرۆسە 2126 کەس چاکبوونەتەوە و 121 کەسیش گیانیان لە دەستداوە.
کۆمێنت (0)
تا ئێستا هیچ کۆمێنتێک نەکراوە.