بەرێوەبەرایەتی بەرگری شارستانی هەولێر ڤیدیۆی ساتەوەختی ئاگرەکەی ئەمڕۆی کۆگایەکى سووتەمەنى لەسەر رێگای نێوان هەولێر - مەخموور بڵاو کردەوە.
بەپێی گرتەیەكی ڤیدیۆیی كە بەرگری شارستانی هەولێر بڵاویكردۆتەوە رووداوەكە لە كاتی بەتاڵكردنی سوتەمەنی لە تانكەرێكەوە بۆ خەزانێك و دەرچوونی سۆندەكەوە روویداوە.
دوای نزیكەی شەش كاتژمێر لە هەوڵی تیمەكانی ئاگركوژێنەوە، ئاگری كۆگای سوتەمەنی سەر رێگای هەولێر-مەخمور كۆنترۆڵكرا و دواتر لە پرێس كۆنفرانسێكدا، سەركەوت كاڕەش وتەبێژی بەرگریی شارستانیی هەولێر گوتی زیانەكان سوتانی چوار تەنكی هەڵگرتنی سوتەمەنی و دوو بارهەڵگر بوون و هاووڵاتییەكیش گیانیلەدەستداوە.
کۆمێنت (0)
تا ئێستا هیچ کۆمێنتێک نەکراوە.