راوێژكاری سه‌رۆكی په‌رله‌مانی ئێران، ئه‌و ده‌نگۆیانه‌ی ره‌ت كرده‌وه كه باس له‌وه ده‌كه‌ن، گوایه تاران و مۆسكۆ له‌سه‌ر دوورخستنه‌وه‌ی به‌شار ئه‌سه‌د له‌سه‌ر ده‌سه‌ڵات رێككه‌وتوون.
حسێن ئه‌میر عه‌بدوڵڵاهیان له هه‌ژماری تایبه‌تی خۆی له تۆڕی كۆمه‌ڵایه‌تی تویته‌ر به‌شار ئه‌سه‌د-ی به سه‌رۆكی شه‌رعیی سوورتا ناوزه‌ند كردووه و رایگه‌یاندووه:
"ئه‌و ده‌نگۆیانه‌ی باس له‌وه ده‌كه‌ن گوایه تاران و مۆسكۆ له‌سه‌ر دوورخستنه‌وه‌ی به‌شار ئه‌سه‌د له‌سه‌ر ده‌سه‌ڵات رێككه‌وتوون، درۆی گه‌وره‌ن و ئه‌و ده‌نگۆیانه له یارییه‌كانی میدیای ئیسرائیل-ن".
پێشتر گوته‌بێژی وه‌زاره‌تی ده‌ره‌وه‌ی ئێران، عه‌باس موسه‌وی ئه‌و ده‌نگۆیانه‌ی ره‌تكردبوویه‌وه كه باسیان له‌وه ده‌كرد گوایه ئه‌نقه‌ره، تاران و مۆسكۆ له‌ڕێگه‌ی كۆبوونه‌وه‌كانی ئاستانا و به‌بێ رژێمی به‌شار ئه‌سه‌د، پلانیان بۆ داهاتووی سووریا داناوه.
کۆمێنت (0)
تا ئێستا هیچ کۆمێنتێک نەکراوە.