وەزارەتی تەندروستیی عێراق لە راگەیێندراوێکدا ئاماژەی بەوە کرد کە 87 کەسی دیکە لە سەرانسەری وڵاتدا تووشی ڤایرۆسی کۆرۆنا بوون و حەوت تووشبووی دیکەیش بەو هۆیەوە گیانیان لەدەستداوە.
وەزارەتی تەندروستیی عێراق لە راگەیێندراوەکەیدا رایگەیاند، لە تاقیگەکانی عێراقدا شەش هەزار و 70 پشکنینی دیکە بۆ دەستنیشانکردنی ڤایرۆسی کۆرۆنا کراون و لە رێگەیانەوە 87 تووشبووی نوێی ڤایرۆسەکە دەستنیشان کراون و بەوەیش کۆی گشتیی پشکنینەکان گەیشتە 175 هەزار و 830 پشکنین.
تووشبووەکان بە گوێرەی شارەکان بەم جۆرە دابەشبوون:-
بەغدا: 48 تووشبوو
زیقار: 12 تووشبوو
موسەنا: 6 تووشبوو
هەولێر: 5 تووشبوو
سلێمانی: 5 تووشبوو
دیالە: 4 تووشبوو
کەربەلا: 3 تووشبوو
بەسرە: 2 تووشبوو
نەجەف: تووشبوویەک
نەینەوا: تووشبوویەک
هەروەها ئاماژە بەوە کراوە کە 49 تووشبووی ڤایرۆسی کۆرۆنا چاکبوونەتەوە کە بە گوێرەی پارێزگاکان بەم جۆرەن:
بەغدا: 37 کەس
بەسرە: 9 کەس
زیقار: 3 کەس
هاوکات وەزارەتی تەندروستیی عێراق ئاشکرای کرد، ئەمڕۆ حەوت تووشبووی ڤایرۆسی کۆرۆنا گیانیان لەدەستداوە کە هەر حەوتیان لە بەغدان
تاوەکو ئێستا سێ هەزار و 964 کەس لە عێراقدا تووشی ڤایرۆسی کۆرۆنا بوون، لەو ژمارەیە دوو هەزار و 532 تووشبوو چاکبوونەتەوە و 147 تووشبوویش بەو هۆیەوە گیانیان لەدەستداوە.
کۆمێنت (0)
تا ئێستا هیچ کۆمێنتێک نەکراوە.