سەرۆک وەزیرانی عێراق لە پەیوەندییەکی تەلەفۆنیدا لەگەڵ وەزیری دەرەوەی ئەمریکادا هاوکاریی ئابووری، سیاسی و ئەمنیی نێوان عێراق و ئەمریکایان تاوتوێکرد.
نووسینگەی راگەیاندنی مستەفا کازمی، سەرۆک وەزیرانی عێراق رایگەیاند، "کازمی بە تەلەفۆن لەگەڵ مایک پۆمپەیۆ، وەزیری دەرەوەی ئەمریکادا قسەی کرد و قەیرانی ئابووریی جیهانی و کاریگەرییەکانیان لەسەر نرخی نەوت و رەنگدانەوەی لەسەر ئابووریی عێراق و رێگەی چارەسەریان تاوتوێ کرد".
هاوکات لە پەیوەندییە تەلەفۆنییەکەدا باس لە ئامادەکاری بۆ گفتوگۆی ستراتیجیی نێوان هەردوو وڵات کراوە.
پێشتر ئەمریکا پێشوازیی لەوە کرد کە هێزە سیاسییەکانی عێراق لە پێکهێنانی حکومەتتدا گەیشتنە رێککەوتن و جەختی لەوە کردەوە کە ئەو حکومەتە بتوانێت بەرەنگاری ڤایرۆسی کۆرۆنا ببێتەوە و پشتیوانی ئابووری بێت و چەک کۆنترۆڵ بکات.
مایک پۆمپەیۆ لەبارەی رێککەوتنی هێزە عێراقییەکان بۆ پێکهێنانی حکومەتی نوێ رایگەیاندبوو، "هیوادارین ئەم حکومەتە بەرژەوەندییەکانی عێراق و داخوازییەکانی گەلەکەی بەدیبهێنێت".
کۆمێنت (0)
تا ئێستا هیچ کۆمێنتێک نەکراوە.